रामनगर पोलीसांचे वेशांतर करीत जंगलातील जुगार अड्ड्यावर धाड

चंद्रपूर :- शहरातील टॉवर टेकडी परिसरातील जंगलात सुरू असलेल्या जुगार अड्ड्यावर रामनगर पोलिसांनी धडक कारवाई केली. पोलिसांनी जुगाराच्या साहित्यांसह तब्बल ४० लाख ४ हजार ७७१ रुपयांचा मुद्देमाल जप्त केला असून, जुगार खेळणाऱ्या व खेळविणाऱ्या २० जणांविरुद्ध महाराष्ट्र जुगार कायद्यान्वये गुन्हा दाखल करण्यात आला आहे. पोलिसांच्या या कारवाईने अवैध जुगार अड्डे चालविणाऱ्यांमध्ये खळबळ उडाली आहे.

दिनांक ८ ऑगस्ट २०२६ रोजी उपविभागीय पोलीस अधिकारी प्रमोद चौगुले यांना टॉवर टेकडी भागातील जंगल परिसरात काही जण ५२ ताशांच्या पत्त्यांवर पैशांची बाजी लावून जुगार खेळत असल्याची गोपनीय माहिती मिळाली.
माहितीची खातरजमा करून त्यांनी रामनगर पोलीस ठाण्याच्या पोलीस निरीक्षक प्रभावती एकुरके यांना कारवाईचे निर्देश दिले. त्यानंतर पोलिसांनी जुगार अड्ड्यावर छापा टाकण्यासाठी विशेष पथक तयार केले. Ramnagar police disguised as policemen raided a gambling den in the forest

वेशांतर करून जंगलाला घातला वेढा
जुगाराचा अड्डा हा जंगलातील झाडाझुडपांच्या मध्यभागी होता. टॉवर टेकडीकडून जाणारी एकमेव पायवाट असल्याने पोलिसांची चाहूल लागताच आरोपी पसार होण्याची शक्यता होती. त्यामुळे पोलिसांनी वेशांतर करून जंगलातील चारही बाजूंनी परिसराला वेढा घातला. काटेरी झाडे आणि वेलींमधून सावधपणे पुढे सरकत पोलिस पथकाने रात्री १०.३६ वाजता अचानक छापा टाकला. पोलिसांची चाहूल लागताच काही जण अंधाराचा फायदा घेत पळून जाण्यात यशस्वी झाले. त्यांचा पाठलाग करण्यात आला; मात्र ते पोलिसांच्या हाती लागले नाहीत.

या कारवाईत बाबुपेठ, लालपेठ, रयतवारी कॉलरी, बल्लारशाह, जुनोना चौक आदी भागातील संशयितांना ताब्यात घेण्यात आले. पोलिसांनी दिलेल्या माहितीनुसार, पकडण्यात आलेल्यांमध्ये इम्रान खान रशीद खान, अनिल पंढरीनाथ ढोंगडे, सागर मुरली नागरे, मन्सुर असरार अहमद, अर्शद चांद शेख, अमोल निलकंठ तडस, सुरेश पुनराज वावरे यांच्यासह गुड्डू अंडेवाला, हरी पुंजारी, अमीत माखन गुप्ता, जावेद शेख, भिमराव माउलीकर, सुरज ऊर्फ सुरा, वतन कांबळे, सादीक ईराणी, राहुल कोमटी, येलन्ना मामीडवार, राज बब्बर, मुन्ना माधव मिश्रा आणि धनराज सावकर यांच्याविरुद्धही कारवाई करण्यात आली.

पोलिसांनी जुगाराच्या साहित्यांसह एकूण ४०,०४,७७१ रुपयांचा मुद्देमाल जप्त केला आहे. याप्रकरणी कलम १२(अ), महाराष्ट्र जुगार कायदा अन्वये गुन्हा दाखल करण्यात आला आहे.

सदर कारवाई पोलीस अधीक्षक आयुष नोपानी, अपर पोलीस अधीक्षक ईश्वर कातकडे यांच्या मार्गदर्शनाखाली आणि उपविभागीय पोलीस अधिकारी प्रमोद चौगुले यांच्या मार्गदर्शनाखाली पोलीस निरीक्षक प्रभावती एकुरके यांच्या नेतृत्वात सपोनि हनुमान उगले पोहवा अमोल गिरडकर, विनोद यादव, मिलींद दोडके, आनंद खरात, पोअं. राजु चिताडे, संदेश चुनारकर, प्रकाश मडावी, पंकज ठोंबरे, शंकर भोयर, कन्हैया पवार, संदीप भोयर, अमरदीप वावरे, सुमेध मानकर, रविंद्र वाभीटकर, चापोअं सुनिल गायके, चापोहवा प्रदीप कुळमेथे,  शैलेंद्र सेलोटे व इतर पो. स्टॉप यांनी केलेली आहे.