सर्वधर्म समभाव प्रभू सेवा संस्थेचा प्रथम वर्धापन दिन उत्साहात साजरा

first anniversary of the Sarva Dharma Samabhav Prabhu Seva Sanstha was celebrated with enthusiasm

चंद्रपूर :- सर्वधर्म समभाव प्रभू सेवा संस्था, चंद्रपूर या सामाजिक सेवाभावी संस्थेचा प्रथम वर्धापन दिन दिनांक ८ जुलै रोजी डेबू सावली वृध्दाश्रम, देवाडा येथे मोठ्या उत्साहात व स्नेहपूर्वक वातावरणात पार पडला. first anniversary of the Sarva Dharma Samabhav Prabhu Seva Sanstha

ही संस्था विशेषतः अंध, अपंग, मानसिक आजाराने ग्रस्त मनोरुग्ण, रस्त्यावर अन्न-पाण्याविना फिरणारे निराधार, शारीरिक दुर्बलतेमुळे समाजाच्या मुख्य प्रवाहातून बाहेर गेलेली माणसं यांच्यासाठी कार्यरत आहे. समाजातील दुर्लक्षित घटकांना गरजेनुसार अंघोळ घालून स्वच्छ करणे, केस कापणे व दाढी कापणे, स्वच्छ कपडे आणि पादत्राणे देणे, गरज असल्यास वैद्यकीय उपचार करणे आणि सर्वात महत्त्वाचे म्हणजे अन्नदान, अशा प्रकारच्या निःशुल्क सेवाभावी उपक्रमांद्वारे संस्थेचे कार्य अखंड सुरू आहे. Social Work

छापा मारून अवैध डिझेल साठा जप्त

संस्थेचा उद्देश केवळ सेवा नव्हे, तर मानवतेचा खरा अर्थ जगण्यातून दाखवणे आहे. माणसाला माणूस म्हणून जगवण्याचा दृष्टिकोन आणि आपलेपणाचा जिव्हाळा देण्याचा प्रयत्न संस्थेमार्फत केला जातो.

वर्धापन दिन कार्यक्रमाच्या अध्यक्षस्थानी जयेंद्र अडगुळवार होते. प्रमुख पाहुणे म्हणून संघशिल सहारे, योगेश भांदककर, राजेंद्र भानोसे, गुड्डूभाऊ वर्मा यांची उपस्थिती होती.

कार्यक्रमात समाजसेवेत मोलाचा वाटा उचलणाऱ्या व्यक्तींना सत्कार करण्यात आला. यामध्ये रविंद्र येसेकर, मोहन तन्नीवार,  प्रेमलाल कडूकर, सचीन नक्षीणे, गणेश वनकर आणि श्रीमती ज्योतीताई लांडगे यांचा विशेष गौरव करण्यात आला.

घरफोडी चा गुन्हा १२ तासांत उघड

कार्यक्रमाचे आयोजन संस्थेचे अध्यक्ष रमेशजी हनुमंते आणि प्रभू सेवा टीमच्या समस्त पदाधिकाऱ्यांनी केले होते. उपस्थित मान्यवरांनी संस्थेच्या कार्याची प्रशंसा करत भविष्यातील सेवाकार्यासाठी शुभेच्छा दिल्या.

कार्यक्रमाच्या शेवटी वृद्धाश्रमातील वृद्ध नागरिकांसोबत संवाद साधून त्यांना आवश्यक वस्तूंचे वाटपही करण्यात आले. वर्धापन दिनाच्या निमित्ताने ‘सर्वधर्म समभाव प्रभू सेवा संस्था’ ने सामाजिक उत्तरदायित्वाचे उदाहरण पुन्हा एकदा समाजापुढे उभे केले.