क्रांतिसूर्य महात्मा फुले जयंतीनिमित्त बसपाकडून अभिवादन

Tributes from the BSP on the occasion of the birth anniversary of Krantisurya Mahatma Phule

चंद्रपूर :- महान समाजसुधारक, स्त्री-शिक्षणाचे जनक आणि क्रांतिज्योती महात्मा ज्योतिराव फुले यांच्या १९९ व्या जयंतीनिमित्त बहुजन समाज पार्टी (बसपा) BSP शहर तर्फे आज विनम्र अभिवादन करण्यात आले.

यावेळी शहरातील आजाद गार्डन येथे महात्मा फुले यांच्या पूर्णाकृती पुतळ्यास पुष्पहार अर्पण करून आदरांजली वाहण्यात आली. उपस्थित पदाधिकारी व कार्यकर्त्यांनी त्यांच्या कार्याचा गौरव करत त्यांच्या विचारांचा समाजात प्रसार करण्याचा संकल्प व्यक्त केला.

चंद्रपूर जिल्ह्यात भूकंपाचे धक्के…..

महात्मा फुले यांनी शिक्षण, सामाजिक समता, स्त्री-मुक्ती आणि शोषित-वंचितांच्या हक्कांसाठी केलेले कार्य आजही प्रेरणादायी असल्याचे यावेळी वक्त्यांनी नमूद केले. त्यांच्या विचारांवर चालून समाजातील अन्याय, अंधश्रद्धा आणि विषमता दूर करण्याची गरज असल्याचेही मत व्यक्त करण्यात आले.

या प्रसंगी बसपा विधानसभा अध्यक्ष अविनाश वानखेडे, विधानसभा महासचिव प्रभूदासजी पुणेकर, जिल्हा उपाध्यक्ष डॉ. विश्वनाथ लाडे, सचिव मनोहर साखरे यांच्यासह दादाजी धागडे, किशोर चिकाटे, विमित कोसे, प्रणित तोडे व इतर कार्यकर्ते मोठ्या संख्येने उपस्थित होते.

कार्यक्रम उत्साहपूर्ण व शिस्तबद्ध वातावरणात पार पडला. शेवटी सर्वांनी महात्मा फुले यांच्या विचारांचा प्रसार करून समाजात सकारात्मक परिवर्तन घडवून आणण्याचा निर्धार व्यक्त केला.