Free sewing camp organized and certificates distributed
चंद्रपूर :- निशुल्क शिवणकला शिबिर म्हणजे केवळ शिवणकाम शिकण्याचे साधन नव्हते, तर तो स्वावलंबनाचा एक पहिला टप्पा होता. आपल्या हातात कौशल्य असेल, तर जगात कोणतीही गोष्ट अशक्य नाही. आपण स्वतःला सक्षम करू शकतो, आपले कुटुंब सुदृढ करू शकतो. आमच्यासाठी महिला सशक्तीकरण ही केवळ घोषणा नसून ती एक कृती असल्याचे प्रतिपादन MLA Kishor Jorgewar आमदार किशोर जोरगेवार यांनी केले. Free sewing camp organized
उष्ण लाटेमुळे चंद्रपूर जिल्हा येलो अलर्ट
आमदार किशोर जोरगेवार यांच्या पुढाकारातून भारतीय जनता पार्टी,BJP चंद्रपूर विधानसभा मतदारसंघाच्या वतीने नागीनाबाग वार्ड येथे महिलांसाठी निशुल्क शिवणकाम, फॅशन डिजायनींग, ड्रेस कटिंग शिबिराचे आयोजन करण्यात आले होते. एक महिना चाललेल्या शिबिराचा नुकताच समारोप करण्यात आला असून, यावेळी शिबिरात सहभागी झालेल्या १०० हून अधिक प्रशिक्षणार्थी महिलांना आमदार किशोर जोरगेवार यांच्या हस्ते प्रमाणपत्रांचे वाटप करण्यात आले. यावेळी ते बोलत होते.
या कार्यक्रमाला प्रसिद्ध लेखिका व कवयित्री गीता रायपुरे, वंदना हातगावकर, सविता दंढारे, प्रशिक्षिका कौसर खान, आशू फुलझेले, वंदना हजारे, सुरेखा चहारे, स्वाती, पूजा तावडे, राम जंगम, प्रतीक शिवणकर, ताहिर हुसेन आदी मान्यवरांची उपस्थिती होती.
कार्यक्रमात पुढे बोलताना आमदार जोरगेवार म्हणाले की, मागील तीन वर्षांत आपण शिवणकाम, फॅशन डिझायनिंग, ब्युटी पार्लर, मेकअप यांसारखी अनेक निशुल्क शिबिरे आयोजित करून हजारो महिलांना प्रशिक्षण दिले आहे. यातील अनेक महिलांनी स्वतःचा रोजगार सुरू केला आहे. आज येथे १०० हून अधिक महिलांना शिवणकामाचे प्रशिक्षण देण्यात आले आहे. या प्रशिक्षणातून आपण जे काही शिकलात, ते आता प्रत्यक्ष व्यवहारात उतरवा. हे कौशल्य रोजगाराच्या संधी निर्माण करणारे ठरेल.
चंद्रपूर शिर्डी बससेवा पूर्ववत सुरू करा
