बाबुपेठ रस्त्यावर खड्डेच खड्डे, आम आदमी पार्टी तर्फे खड्ड्यांना वाहण्यात आली श्रद्धांजली

Aam Aadmi Party pays tribute to the potholes

चंद्रपूर :- शहर महानगरपालिकेच्या अंतर्गत येणाऱ्या बाबूपेठ परिसरातील दलीत वस्ती म्हणून ओळखला जाणाऱ्या डॉ. बाबासाहेब आंबेडकर नगर प्रभाग या ठिकाणी मलनिसारण योजनेच्या अंतर्गत सुरू असलेले काम अत्यंत हलक्या दर्जाचे व निष्कृष्ट पद्धतीने केले जात असल्याची तीव्र प्रतिक्रिया स्थानिक नागरिकांनी व्यक्त केली आहे. Potholes on Babupeth road

या योजनेमुळे संपूर्ण रस्ते खड्ड्यांनी भरले असून नागरिकांना अत्यंत गंभीर समस्यांचा सामना करावा लागत आहे. रस्त्यावर पडलेल्या खोल खड्ड्यांमुळे अनेक लहान-मोठे अपघात घडत आहेत. पावसाळ्याच्या काळात हे खड्डे पाण्याखाली जाऊन अधिक धोकादायक ठरत आहेत. नागरिकांच्या वारंवार तक्रारी असूनही महानगरपालिका प्रशासन या समस्येकडे दुर्लक्ष करत आहे. Aam Aadmi Party pays tribute to the potholes

आज या अन्यायकारक आणि बेजबाबदार वागणुकी विरोधात AAP आम आदमी पार्टीचे युवा जिल्हाध्यक्ष श्री. राजू कुडे यांच्या नेतृत्वात नागरिकांना सोबत घेऊन खड्ड्यांना श्रद्धांजली अर्पण करण्यात आली. या अनोख्या आंदोलनाच्या माध्यमातून नागरिकांनी आपल्या मनातील संताप व्यक्त केला.

खड्यामुळे नागरिकांचा जीव धोक्यात घालणाऱ्या कंत्राटदाराची चौकशी करून जबाबदार अधिकाऱ्यांवर कारवाई झाली पाहिजे अशी मागणी यावेळी आपच्या वतीने करण्यात आली.

या आंदोलनामध्ये आपचे प्रदेश सहसचिव सुनील मुसळे, जिल्हाध्यक्ष मयूर राईकवार, युवा जिल्हाध्यक्ष राजू कुडे, शहराध्यक्ष योगेश गोखरे, संघटन मंत्री संतोष बोपचे, बाबूपेठ अध्यक्ष राजू भाऊ तोडासे, अनुप तेलतुंबडे, मनीष राऊत, अजय बाथव, एकनाथ कसारे, निंबाळकरजी, रजनीताई गड्डेवार, किरण ताई कुमरवार, रावलकर ताई इत्यादी कार्यकर्ते तथा स्थानिक नागरिक मोठ्या संख्येने उपस्थित होते व उपस्थित नागरिकांनी महानगर पालिकेच्या कामकाजा विरोधात तीव्र नाराजी व्यक्त केली.