Babupeth youth leader Sandeep Yasalwar commits suicide by hanging
चंद्रपूर :- बाबूपेठ परिसरातील पंचशील चौकातील पंचशिल बुद्ध विहारात बाबूपेठ येथील सुपरिचित युवा नेता संदीप यासलवार याने गळफास घेऊन आपले जिवन संपवले.
चंद्रपूर शहरातील बाबुपेठ परिसरातील पंचशील बुद्ध विहारात संदीप यासलवार याने गळफास घेतल्याने परिसरात खळबळ माजली.
जगाला शांतीचा संदेश देनाऱ्या तथागत गौतम बुद्ध यांची उद्या दिनांक 12 मे रोजी बुद्ध पौर्णिमां साऱ्या जगात मोठ्या उत्साहात साजरी केल्या जाते याचनिमित्ताने पंचशील बुद्ध विहारात उद्या विविध कार्यक्रमाचे आयोजन करण्यात आले होते परंतु या दुर्दैवी घटनेने सर्व कार्यक्रम पुढे ढकलण्यात आल्याची माहिती बुद्ध विहार प्रशासनाने दिली.
बाबूपेठ उड्डाणपुल झालेच पाहिजे, उड्डाणपूल नसल्याने बाबूपेठ रेल्वे क्रॉसिंगवर रेल्वे फाटकामुळे कित्येकांचे बळी जात आहे हे प्रशासनाच्या धान्यात आणून देण्यासाठी बागला चौकातील टॉवरवर चढून पहिले आंदोलन करणारा हा संदीप यासलवार. त्यानंतर त्याने वारंवार विविध प्रकारच्या आंदोलन बाबुपेठ उड्डाणपूलासाठी केलेत.
त्यांनतर वडील चंद्रपूर महानगर पालिकेत सफाई कर्मचारी असल्यामुळे त्यांच्या निधनानंतर अनुकंपात संदीप यासलवार हा वारसदार असल्याने, संदीप महानगर पालिकेत रुजू होणार होता परंतु आंदोलनाचे विविध गुन्हे दाखल असल्यामुळे महानगर पालिका आयुक्त यांनी त्याला पदावर रुजू केले नाही. या विवंचनेत तो नेहमी राहत असल्याचे त्यांच्या निकटवर्तीयांनी सांगितले.
नेमके संदीप यासलवार याच्या आत्महत्याचे कारण कळू शकले नाही.
संदीप यासलवार याने पंचशील बुद्ध विहारात गळफास घेऊन आत्महत्या केल्याची माहिती मिळताच चंद्रपूर शहर पोलीस घटनास्थळी दाखल होऊन पंचनामा करीत मृतदेह उत्तरीय तपासनीस पाठवण्यात आला आहे.
पुढील तपास चंद्रपूर शहर पोलीस करीत आहेत.
