चंद्रपूर :- राष्ट्रपिता महात्मा गांधी व भारताचे माजी पंतप्रधान, भारतरत्न लालबहादूर शास्त्री यांच्या जयंतीनिमित्त भारतीय जनता पार्टी चंद्रपूर महानगरच्या वतीने शुक्रवार, दि. २ ऑक्टोबर २०२६ रोजी भाजप महानगर कार्यालय, गांधी चौक, चंद्रपूर BJP Chandrapur येथे अभिवादन कार्यक्रमाचे आयोजन करण्यात आले. यावेळी महात्मा गांधीजी व लालबहादूर शास्त्रीजी यांच्या प्रतिमेस पुष्पहार अर्पण करून त्यांना विनम्र अभिवादन व कृतज्ञ मानवंदना वाहण्यात आली. Tributes paid at the birth anniversaries of Mahatma Gandhi and Lal Bahadur Shastri
महात्मा गांधीजींनी सत्य, अहिंसा, स्वदेशी आणि सत्याग्रह या मूल्यांच्या माध्यमातून भारतीय स्वातंत्र्यलढ्याला व्यापक जनआंदोलनाचे स्वरूप दिले. त्यांच्या विचारांनी केवळ भारतालाच नव्हे, तर संपूर्ण जगाला शांतता, बंधुता आणि मानवतेचा संदेश दिला. त्यांचे जीवन हे सत्य आणि अहिंसेच्या मार्गावर चालण्याची प्रेरणा देणारे आहे.
त्याचप्रमाणे भारतरत्न लालबहादूर शास्त्रीजी यांनी अत्यंत साधेपणाने आणि प्रामाणिकपणे देशसेवा केली. कठीण परिस्थितीतही देशहिताला सर्वोच्च प्राधान्य देत त्यांनी “जय जवान, जय किसान” हा प्रेरणादायी संदेश देशाला दिला. त्यांचे साधे जीवन, उच्च विचार, कर्तव्यनिष्ठा आणि राष्ट्राप्रती असलेली निष्ठा आजच्या पिढीसाठीही प्रेरणादायी आहे.
या दोन्ही महान राष्ट्रपुरुषांच्या जयंतीनिमित्त त्यांच्या विचारांचे स्मरण करून समाजात राष्ट्रप्रेम, स्वच्छता, सामाजिक एकोपा, सेवा आणि कर्तव्यभावना अधिक दृढ करण्याचा संदेश यावेळी देण्यात आला. राष्ट्रनिर्मितीमध्ये प्रत्येक नागरिकाने आपली जबाबदारी प्रामाणिकपणे पार पाडावी, हीच या महान व्यक्तिमत्त्वांना खरी आदरांजली ठरेल, असा विचार यावेळी व्यक्त करण्यात आला.
कार्यक्रमास भाजप महानगर अध्यक्ष सुभाष कासनगोट्टूवार, महामंत्री रविंद्र गुरनुले, नामदेव डाहूले, महिला मोर्चा प्रभारी वंदना हातगावकर, अनुसूचित जाती मोर्चा अध्यक्षा विमल काटकर, उपाध्यक्ष दिनकर सोमलकर, कोषाध्यक्ष अमोल शेंडे, युवा मोर्चा अध्यक्ष मयूर हेपट, मंडळ अध्यक्ष रवि जोगी, वाहतूक आघाडी अध्यक्ष अक्षय शेंडे यांच्यासह कार्तिक बोरेवार, शालू कन्नोजवार, वैशाली मद्दीवार, ताहीर हुसेन, साई कोटा, देवा कुंटा, शालिनी राऊत, छाया चवरे, सलीम शेख, शुभम बल्की, संदीप निमकर, राहुल वाढई, करिष्मा बुरेवार, मीनाक्षी अलोणे, शिल्पा अनलकर, संगीता अलोणे, पौर्णिमा दखणे तसेच भाजपचे कार्यकर्ते मोठ्या संख्येने उपस्थित होते.
यावेळी उपस्थित सर्वांनी महात्मा गांधीजींच्या सत्य व अहिंसेच्या विचारांचा तसेच लालबहादूर शास्त्रीजींच्या साधेपणा, प्रामाणिकपणा, राष्ट्रनिष्ठा आणि कर्तव्यपरायणतेचा आदर्श आपल्या जीवनात आचरणात आणण्याचा संकल्प व्यक्त केला.
