Lendala Lake revitalization project finally approved
चंद्रपूर :- भद्रावती शहरातील अनेक वर्षांपासून दुर्लक्षित असलेल्या लेंडाळा तलावाच्या पुनरुज्जीवन प्रकल्पाला केंद्र शासनाच्या अमृत २.० योजनेअंतर्गत अखेर मंजुरी मिळाली आहे. या महत्त्वाकांक्षी प्रकल्पासाठी १७ कोटी रुपयांचा निधी नुकताच शासन निर्णयाद्वारे मंजूर झाल्याने भद्रावतीच्या विकासाला एक नवी दिशा मिळणार आहे. Lendala Lake revitalization project finally approved
विशेष म्हणजे, या प्रकल्पाला राज्यस्तरीय तांत्रिक मान्यता समितीच्या ३ फेब्रुवारी २०२३ रोजी झालेल्या बैठकीतच तांत्रिक मंजुरी मिळाली होती. त्यावेळी विद्यमान खासदार बाळूभाऊ धानोरकर व प्रतिभाताई धानोरकर या विद्यमान आमदार होत्या. त्यामुळे, या निर्णयात काही महिन्यांपूर्वी झालेल्या आमदारांनी कोणताही फुकटचे श्रेय घेऊ नये, असा स्पष्ट टोला खासदार प्रतिभाताई धानोरकर यांनी लगावला आहे.
Success for the tireless efforts of MP Pratibha Dhanorkar
या प्रकल्पाला अंतिम मंजुरी मिळण्यामागे खासदार प्रतिभाताई धानोरकर यांचा सातत्यपूर्ण पाठपुरावा आणि नगर परिषद भद्रावती मार्फत वेळोवेळी शासन दरबारी सादर केलेले प्रस्ताव यांचा मोलाचा वाटा आहे. आमदार असतानाच, २०१९-२० मध्ये त्यांनी हा विषय विधानसभेत मांडून त्याची आवश्यकता अधोरेखित केली होती. लोकसभा खासदार म्हणूनही त्यांनी नगर परिषदेच्या प्रस्तावाला पूर्ण पाठिंबा दिला आणि मंत्रालयीन पातळीवर विविध बैठकांमध्ये हा मुद्दा सातत्याने मांडत प्रकल्पाच्या मंजुरीसाठी अथक प्रयत्न केले.
लेंडाळा तलावाच्या पुनरुज्जीवनाचे स्वप्न भद्रावतीच्या जनतेने पाहिले होते आणि आता त्या दिशेने एक महत्त्वाचे पाऊल टाकले गेले आहे. या प्रकल्पाचे यश हे केवळ कोणत्याही एका राजकीय व्यक्तीच्या श्रेयवादापुरते मर्यादित नसून, ते भद्रावतीच्या जनतेच्या हितासाठी आहे. त्यामुळे, यामध्ये खासदार प्रतिभाताई धानोरकर यांच्या योगदानाला नाकारून केवळ राजकीय प्रसिद्धीसाठी श्रेय घेण्याचे प्रयत्न अत्यंत खेदजनक आहेत असेही खासदार धानोरकर म्हणाल्या.
