शिवणीचोरमध्ये मोफत आरोग्य शिबिराला प्रतिसाद ; १२० नागरिकांची तपासणी

चंद्रपूर :- चंद्रपूर जिल्ह्यातील बल्लारपूर तालुक्यातील शिवणीचोर गावात सोमवार, दिनांक २६ ऑक्टोबर २०२६ रोजी अमेरिकन इंडिया फाउंडेशन (AIF), आरोग्य विभाग चंद्रपूर आणि प्राथमिक आरोग्य केंद्र (PHC) विसापूर यांच्या संयुक्त सहकार्याने मोफत आरोग्य तपासणी शिबिराचे आयोजन करण्यात आले. या शिबिरात गावातील एकूण १२० नागरिकांची मोफत आरोग्य तपासणी करण्यात आली.
ग्रामीण भागातील नागरिकांना प्राथमिक आरोग्य सेवा उपलब्ध करून देणे, विविध आजारांचे वेळीच निदान करणे तसेच नागरिकांमध्ये आरोग्याविषयी जागरूकता निर्माण करणे हा या शिबिराचा प्रमुख उद्देश होता. Free health check-up camp held with great enthusiasm in Shivnichor

दिवाळीपूर्वी धान खरेदी केंद्र सुरू करा…….

या शिबिरामध्ये नागरिकांची सर्वसाधारण आरोग्य तपासणी (General Health Check-up) करण्यात आली. यामध्ये रक्तदाब (BP), रक्तातील साखरेचे प्रमाण (Blood Sugar), हृदयाची तपासणी (ECG), रक्ताची चाचणी तसेच सर्दी, खोकला, ताप आणि इतर सामान्य आजारांची तपासणी करण्यात आली. यासोबतच नागरिकांच्या आरोग्यविषयक तक्रारी जाणून घेऊन त्यांना आवश्यक आरोग्यविषयक मार्गदर्शन करण्यात आले.

चंद्रपुरात 26 ऑक्टोबर ते 1 नोव्हेंबर पर्यंत दक्षता जनजागृती सप्ताह……

या आरोग्य शिबिरात कु.डॉ.अश्विनी कांबळे (MO) श्री. डॉ. आदित्य तिवारी (CHO) यांनी नागरिकांची आरोग्य तपासणी केली. तसेच ईसीजी तंत्रज्ञ श्री. राहुल नवघडे यांनी हृदयाशी संबंधित ईसीजी तपासणीची जबाबदारी सांभाळली. परिचारिका सौ. मंदाकिनी चुनारकर, बहुउद्देशीय आरोग्य कर्मचारी (MPW) श्री. सूर्यवंशी व श्री. दीपक दांडेकर यांनी आरोग्य तपासणी प्रक्रियेत महत्त्वपूर्ण सहकार्य केले. याशिवाय गावातील आशा कार्यकर्त्या आणि अंगणवाडी सेविकांनी नागरिकांपर्यंत शिबिराची माहिती पोहोचविणे व शिबिराच्या आयोजनासाठी सहकार्य केले.

या उपक्रमाला ग्रामपंचायत स्तरावरूनही सहकार्य लाभले. यावेळी श्री. रवींद्र पाहनपटे सरपंच यांच्यासह स्थानिक प्रतिनिधी व ग्रामस्थांची उपस्थिती होती.

ग्रामीण भागात उच्च रक्तदाब, मधुमेह आणि हृदयाशी संबंधित आजारांविषयी जागरूकता निर्माण होणे अत्यंत आवश्यक आहे. अनेक नागरिक नियमित आरोग्य तपासणीकडे दुर्लक्ष करतात. त्यामुळे अशा मोफत आरोग्य तपासणी शिबिरांच्या माध्यमातून नागरिकांना आपल्या आरोग्याची सद्यस्थिती जाणून घेण्याची संधी मिळते. विशेषतः महिला, ज्येष्ठ नागरिक आणि गरजू कुटुंबांसाठी हा उपक्रम उपयुक्त ठरला.

अमेरिकन इंडिया फाउंडेशन (AIF) अंतर्गत SED चंद्रपूर उपजीविका विकास केंद्राच्या माध्यमातून चंद्रपूर जिल्ह्यातील ग्रामीण व खाण प्रभावित भागांमध्ये युवक-युवती आणि महिलांसाठी कौशल्य विकास, रोजगार, स्वयंरोजगार व उपजीविका विकासाशी संबंधित विविध उपक्रम राबविण्यात येत आहेत. यासोबतच समुदायाचा सर्वांगीण विकास साधण्यासाठी आरोग्य जनजागृती आणि सामाजिक विकासाशी संबंधित उपक्रमांवरही भर दिला जात आहे.