Guru Purnima program concluded with enthusiasm at Panthers Sports Academy
चंद्रपूर :- पँथर्स स्पोर्ट्स फाउंडेशनच्या वतीने दिनांक १२ जुलै २०२५ रोजी गुरुपौर्णिमेनिमित्त विशेष कार्यक्रमाचे आयोजन करण्यात आले. या कार्यक्रमाला मुरलीधर बागला हायस्कूलचे प्राचार्य श्री. उमेश पंढेरे, सामाजिक कार्यकर्ते श्री. किशोर भैया रायपूरकर आणि मनसे जिल्हा प्रमुख श्री. मनोज तांबेकर प्रमुख पाहुणे म्हणून उपस्थित होते. Gurupurnima at Panthers Sports Academy
कार्यक्रमात पालक वर्गातील श्री. अमित अग्रवाल, श्री. जगन दुर्गम, श्रीमती प्रशांती दुर्गम, श्रीमती हिना दरबार, श्रीमती पद्मा पांडे यांचीही उपस्थिती होती. क्रीडा विद्यार्थ्यांनी मान्यवरांचे पुष्पगुच्छ व भेटवस्तू देऊन स्वागत केले.
या वेळी पँथर्स स्पोर्ट्स अकादमीतील जिल्हा, राज्य व राष्ट्रीय स्तरावर उत्कृष्ट कामगिरी करणाऱ्या खेळाडूंचा सत्कार करण्यात आला. यामध्ये कु. मानसी दरबार, कु. श्रुती दुर्गम, कु. निर्जला अनारसे, म. नवराज पाटील, कु. अमित अग्रवाल, कु. काजल देवांगन, कु. रेश्मी देवांगन, कु. यामिनी देवांगन, कु. शगुन चौहान यांचा समावेश होता.
