Seven leaders, including the former district president, have been expelled from the Congress party
चंद्रपूर :- महानगरपालिका निवडणुकीच्या रणधुमाळीत पक्ष शिस्तीचा भंग करणाऱ्या आणि अधिकृत उमेदवारांच्या विरोधात काम करणाऱ्या चंद्रपूर शहरातील ७ पदाधिकाऱ्यांना काँग्रेस पक्षातून निलंबित करण्यात आले आहे. महाराष्ट्र प्रदेश काँग्रेस कमिटीचे प्रांताध्यक्ष हर्षवर्धन सपकाळ यांच्या आदेशावरून ही कडक कारवाई करण्यात आली असून, याबाबतचे अधिकृत आदेश १२ जानेवारी २०२६ रोजी निर्गमित करण्यात आले आहेत. 7 leaders, including the former district president, have been expelled from the Congress party
या कारवाईमध्ये चंद्रपूर शहर काँग्रेसमधील महत्त्वाच्या नेत्यांचा समावेश असून, प्रामुख्याने माजी जिल्हाध्यक्ष नंदू संभाजी नागरकर यांना पक्षातून निलंबित करण्यात आले आहे. त्यांच्यासोबतच माजी नगरसेवक प्रशांत आनंदराव दानव, माजी नगरसेवक सकीना अन्सारी, माजी नगरसेवक विना अभय खनके, स्वप्नील चिवंडे, रवि भिसे आणि छबुताई विजय पोहणकर या सात जणांवर निलंबनाची कारवाई करण्यात आली आहे. Chandrapur Municipal Corporation Election 2026
