चंद्रपूर :- गणेशोत्सवानिमित्त येथील खासदार प्रतिभाताई धानोरकर MP Pratibha Dhanorkar यांच्या वरोरा येथील जनसंपर्क कार्यालयात श्री गणरायाचे उत्साहात आगमन झाले. भक्तिमय वातावरणात विधिवत पूजा-अर्चा करून गणेशमूर्तीची प्रतिष्ठापना करण्यात आली.
यावेळी परिसरात गणरायाच्या जयघोषाने उत्साहाचे वातावरण निर्माण झाले होते. कार्यकर्ते व पदाधिकारी मोठ्या संख्येने उपस्थित राहून गणरायाचे दर्शन घेतले. याप्रसंगी मानस धानोरकर आणि पार्थ धानोरकर यांची प्रमुख उपस्थिती होती.
गणेशोत्सवाच्या निमित्ताने जनसंपर्क कार्यालयात धार्मिक व सामाजिक उपक्रमांना सुरुवात झाली असून, गणरायाच्या आगमनाने कार्यकर्त्यांमध्येही उत्साह संचारला आहे.
यावेळी खासदार प्रतिभा धानोरकरांनी श्री गणरायाच्या चरणी सुख, समृद्धी आणि सर्वांच्या मंगलमय भवितव्यासाठी प्रार्थना केली.
