Thursday, February 22, 2024
HomePoliticalचंद्रपूर शहर महिला काँग्रेस तर्फे महिला मेळावा तसेच हळदी कुंकू कार्यक्रम आयोजन

चंद्रपूर शहर महिला काँग्रेस तर्फे महिला मेळावा तसेच हळदी कुंकू कार्यक्रम आयोजन

Women’s gathering and Haldi Kunku program organized by Chandrapur City Mahila Congress

★ वेळ सांगून येत नाही त्यासाठी महिलांनी आत्मनिर्भर बना – आमदार प्रतिभाताई धानोरकर

चंद्रपूर :- मकर संक्रांतीच्या निमित्याने चंद्रपूर शहर( जिल्हा )महिला काँग्रेस कमिटी च्या वतीने महिला मेळावा तसेच हळदी कुंकू वाण वाटप कार्यक्रमाचे आयोजन स्थानिक संताजी भवन गिरनार चौक चंद्रपूर येथे वरोरा भद्रावती विधानसभा क्षेत्रांच्या आमदार मा. प्रतिभाताई धानोरकर यांचे अध्यक्षतेखाली करण्यात आले.

कार्यक्रमाला प्रमुख अतिथी म्हणून रामुभैय्या तिवारी अध्यक्ष चंद्रपूर शहर काँग्रेस कमिटी, डाँ अभिलाषा गावतुरे सामाजिक कार्यकर्त्या, काँग्रेस चे जेष्ठ नेते महेशभाऊ मेंढे, माजी महापौर संगीता अमृतकर, ओबीसी प्रदेश सरचिटणीस प्राचार्य नरेंद्र बोबडे, ओबीसी शहर अध्यक्ष राहुल चौधरी, आयोजक तथा शहर महिला काँग्रेस अध्यक्ष सौ चंदाताई वैरागडे, माजी नगरसेविका विना खनके, राज्य पुरस्कार प्राप्त शिक्षिका सौ अनिता बोबडे, माजी सभापती हर्षा चांदेकर, सौ धोबे, प्रीती शाहा, शालिनी भगत ,पिंपळकर ,गुजरकर यांचे सह महिला काँग्रेस पदाधिकारी यांची उपस्थिती होती

सर्व मान्यवरांनी सावित्रीबाई फुले,राजमाता जिजाऊ, स्व इंदिरा गांधी यांच्या प्रतिमेचे पूजन, द्वीपप्रज्वलन करून कार्यक्रमाची सुरुवात करण्यात आली, याप्रसंगी सौ.तृप्ती राजूरकर यांनी अप्रतीम स्वागत नृत्य सादर केले,

कार्यक्रमाच्या सुरुवातीलाच वैशाली कांमडे, कविता जुमडे यांनी महिलांकरिता छोटे छोटे मनोरंजनात्मक खेळ घेतले, यामध्ये अनेक महिलांनी सहभाग घेतला,या खेळात प्रथम आलेल्या स्पर्धकांना आमदार प्रतिभाताईच्या हस्ते बक्षीस देणून प्रोत्साहित करण्यात आले,

आयोजक सौ चंदाताई वैरागडे यांनी आपल्या प्रास्ताविक भाषणातून काँग्रेस पक्ष नेहमीच महिलांचा सन्मान करणारा, शेतकऱयांना,युवकांना गोर गरिबांना न्याय देणारा पक्ष आहे, आमदार प्रतिभाताई आणि आमच्या नेत्या संध्याताई सव्वालाखे ,आणि रामुभाऊ तिवारी यांच सक्षम आणि प्रेरणादायी नेतृत्व असल्यामुळेच शहरात आम्ही महिलांचं इतकं मोठ संघटन करू शकलो असे सांगितले,

याप्रसंगी डॉ. अभिलाषा गावतुरे यांनी चंदाताई वैरागडे यानि चंद्रपूर खऱ्या अर्थाने महिलांना सामाजिक उपक्रमाच्या माध्यमातून आत्मनिर्भर बनवून महिलांची इतकी मोठी फौज तयार केली असे मनोगतातून व्यक्त केले,

याप्रसंगी महेश मेंढे,प्राचार्य नरेंद्र बोबडे, संगीता अमृतकर यांनीही महिलांना मार्गदर्शन केले, कार्यक्रमाचे अध्यक्ष आमदार प्रतिभाताई धानोरकर यांनी महिलांनी घरातील प्रत्येक व्यवहार समजून घेतला पाहिजे, कुठलीही चांगली वाईट वेळ सांगून येत नाही अश्या वेळी रडत बसण्यापेक्षा परिस्थितीचा सामना करण्यासाठी आपल्या मानसिकता तयार असायला पाहिजे, आज महिला प्रत्येक्ष क्षेत्रात आघाडीवर आहेत,आपणही मागे न राहता सक्षम बना असे सांगत,महिला अध्यक्ष चंदाताई यांच्या अतिशय उत्तम नियोजमूळे काँग्रेस मेळाव्याला आणि हळदी कुंकू कार्यक्रमाला इतक्या मोठ्या संख्येने महिलाची उपस्थिती बघून मन भारावून गेल्याचे मनोगतातून सांगितले,

मकर संक्रांत निमित्य उपस्थित सर्व महिलांना महिला काँग्रेस तर्फे हळदी कुंकू तसेच वाण देण्यात आले. तसेच काँग्रेस चे जेष्ठ नेते महेशभाऊ मेंढे यांनी उपस्थित सर्व महिलांना मकर संक्रांतीच्या निमित्याने घड्याळ भेट दिली.

कार्यक्रमाला महिलांची भरगच्च उपस्थिती होती, कार्यक्रमाचे संचालन तेजु पोडे, मीनल वैरागडे यांनी तर आभार मीनाक्षी गुजरकर यांनी मानले. शेवटी सर्व महिलांना अल्पोपहार देऊन कार्यक्रमाची सांगता करण्यात आली.

RELATED ARTICLES
- Advertisment -spot_img

Today News

Most Popular