चंद्रपुरात गांजा तस्कराला अटक : रामनगर पोलीसांची कारवाई

(MD) Marijuana smuggler arrested in Chandrapur: Ramnagar police action

चंद्रपूर :- शहरात अवैधरित्या गांजा विक्री करीत असल्याच्या गोपनीय माहितीवरून रामनगर पोलिसांनी सापळा रचून गांजा विक्रेत्याला अटक करीत त्याचे जवळील 2 किलो 47 ग्रॅम गांजा, अंदाजे किंमत 20,470 रुपये जप्त करण्यात आला. Chandrapur Crime

चंद्रपूर नागपूर रोडवरील पोलीस मुख्यालयाजवळील वाहतूक शाखेच्या कार्यालयासमोरील टॅक्सी स्टॅन्ड जवळ एक इसम गांजा बाळगून विक्री करीत असल्याची गोपनीय माहिती रामनगर पोलीस ठाण्याचे पोउपनि मधुकर सामलवार यांना प्राप्त झाली, पोउपनि सामलवार यांनी सदर माहिती वरिष्ठ अधिकाऱ्यांना कळवत पोलीस पथक व पंचांसमक्ष घटनास्थळी दाखल होऊन सदर इसमाची झडती घेतली असता त्याच्या पिशवी मध्ये हिरवट, काळसर झाडपत्ती सारखा, बिजा असलेला उग्रवास येणारा गांजा आढळून आला. त्यात 2 किलो 47 ग्रॅम गांजा त्याची अंदाजे किंमत 20,470 रुपये जप्त करीत आरोपी अरविंद वैजनाथ यादव वय 33 वर्ष, रा. इंदिरा नगर, चंद्रपूर याला एन.डी.पी.एस. कायद्याप्रमाणे गुन्हा दाखल करीत अटक करण्यात आली.

सदर कार्यवाही पोलीस अधिक्षक मुमक्का सुदर्शन, अपर पोलीस अधिक्षक रिना जनबंधु, उपविभागीय पोलीस अधिकारी सुधाकर यादव यांचे मार्गदर्शनाखाली वरिष्ठ पोलीस निरीक्षक सुनिल गाडे, तसेच गुन्हे शोध पथक रामनगर चे सपोनी देवाजी नरोटे, पोउपनि मधुकर सामलवार, पोउपनि दिपेश ठाकरे, पोहवा पेत्रस सिडाम, शरद कुडे, सचिन गुरनुले, प्रशांत शेंदरे, आनंद खरात, नापोशि लालु यादव, हिरालाल गुप्ता, रविकुमार ढेंगळे, संदीप कामडी, विकास जुमनाके, विकास जाधव, पंकज ठोंबरे, मनिषा मोरे यांनी केली.